多數喺bb滿月時，都會送玉製嘅平安扣，希望為bb送上第一個祝福——平安有福，有不少顧客都會搵我們買平安扣。玉器除咗有祝福嘅意思之外，仲有種傳承嘅意義，將玉器一代傳一代；每款玉石都係獨一無二，寓意住傳遞畀後代每份獨一無二嘅關愛，亦係我們鍾情於玉石嘅原因。
開店將近10年，我們好慶幸有一班熟客同街坊嘅支持，即使經歷過高山低谷，仍然堅持至今。被問及對經營理念有咩心得，我們認為最緊要係以誠待人，做街坊生意靠嘅係口碑，所以唔介意客人貨比三家，最緊要係客人覺得買得所值，所以贏得一班幫襯咗10多年嘅熟客支持。有不少客人更變成朋友關係，大家仍不時交流玉石心得。
如果你哋對玉石都有興趣，不妨可以去玉如意同我們交流一下。
後記︰講起玉器有定驚之用，分享一段小故事，有個客人嘅bb好醒瞓，但一戴完玉鐲之後就瞓得好。雖然無科學證實到玉石有定驚作用，但至少令bb安心瞓，家長又無咁擔心，都算有定驚作用！
#沙田 馬鞍山廣場3樓 330號舖